गोरखापत्र समाचारदाता
काठमाडौँ, मङ्सिर १८ गते । लोक आधुनिक गीत ‘छेवैमा बस’ म्युजिक भिडियोसहित सार्वजनिक भएको छ । सुमन ढकालको आधिकारिक युट्युब च्यानलमार्फत सार्वजनिक गरिएको गीतको भिडियो करिब छ मिनेटको छ ।
गीतमा गायिका समीक्षा अधिकारीको स्वर र शब्द सुमन ढकालको रहेको छ । राजेश श्रेष्ठको सङ्गीत संयोजन रहेको गीतको भिडियोमा शिवजी क्षेत्री र रचना न्यौपानेको अभिनय रहेको छ । भिडियोको निर्देशन शिवजी क्षेत्रीले गर्नुभएको हो । नरेश ऐरको छायाङ्कन रहेको भिडियोलाई विनोद बमले सम्पादन गर्नुभएको छ । गीतले आफ्नो प्रेमीप्रति गहिरो माया र भावना प्रस्तुत गरेको छ ।
