गैँडाको आक्रमणबाट एकको मृत्यु

बोमलाल गिरी

नवलपुर, मंसिर ८ गते । गैँडाको आक्रमणबाट नवलपुरमा एक जनाको मृत्यु भएको छ । जिल्लाको मध्यविन्दु नगरपालिका–६ भन्डारा बस्ने ६५ वर्षीय नाथुराम थारुको गैँडाको आक्रमणबाट शनिबार दिउँसो पौने १२ बजे मृत्यु भएको जिल्ला प्रहरी कार्यालयका प्रहरी नायव उपरीक्षक जेसी शाहले जानकारी दिनुभयो ।

थारु दुई बुहारीसहित घरनजिक रहेको बारीमा आलु लगाउन गएको बेला एक्कासि गैँडाले पेट र टाउकोमा आक्रमण गरेको थियो । गैँडाको आक्रमणबाट थारुको घटनास्थलमै मृत्यु भएको प्रहरी नायव उपरीक्षक शाहले जानकारी दिनुभयो । नवलपुरमा पछिल्लो समय गैँडा आक्रमण बढिरहेको छ ।