लीलाराज खड्का
बिर्तामोड, असोज ३ गते । संविधान दिवशको अवशर पारेर लायन्स क्लव अफ कनकाई दुर्गापुरले बिहीवार मिनि म्याराथनको आयोजना गरिएको छ ।
म्याराथनमा बिर्तामोडका १५ बर्षिय धावक शिव कार्की पहिलो हुनुभएको छ । सात किलोमिटर दुरी कार्कीले १९ मिनेटमा पूरा गर्दै पहिलो स्थान हासिल गर्नुभयो । कार्कीले ५१ हजार रुपियाँ पुरस्कार पाउनुभयो ।
यस्तै सुखदेव टुडु दोस्रो, सुरज थापाले तेस्रो र सुवास दनुवार शान्तना हुँदै क्रमश: ४१००, ३१०० र २१०० रुपियाँ पुरस्कार पाउनुभयो ।
महिलातर्फ सर्मिला दर्नालले सहभागि महिला मध्ये पहिलो हुँदै सान्त्वना पुरस्कार प्राप्त गर्नुभयो । म्याराथुन दौडमा जम्मा ५२ जनाले सहभागिता जनाएको लायन्स क्लब अफ कनकाई दुर्गापुरका भुवन खतिवडाले बताउँनुभयो ।
विजयी प्रतियोगिहरु तथा सहभागि समेतलाई कोशी प्रदेशसभाका सदस्य तथा पुर्व कृषि मन्त्री भक्तिप्रसाद सिटौलालगायतले पुरस्कार प्रदान गर्नुभयो ।
