काठमाडौँ, भदौ ३० गते। प्रतिनिधि सभाको आजका लागि तोकिएको बैठक स्थगन भएको छ। आइतबार अपराह्न १ बजेका लागि निर्धारित बैठक सो विशेष कारणले बस्न नसक्ने भएकाले अर्को बैठक भोलि अपराह्न १ बजे बस्ने गरी तय भएको सङ्घीय संसद् सचिवालयले जनाएको छ।
आजै अपराह्न १ बजे तोकिएको बैठक बस्न नसक्ने भएपछि सचिवालयले आजै अपराह्न ३:१५ बजे बस्ने गरी निर्धारण गरेको थियो। यसबिचमा दलहरुबिच सहमति जुट्न नसकेपछि बैठक भोलिका लागि तोकिएको हो।
प्रतिनिधि सभाको यसअघिको बैठकमा ‘तत्कालीन नेकपा (माओवादी) को नेतृत्वमा सञ्चालित सशस्त्र सङ्घर्षलाई सत्तारुढ नेकपा (एमाले) का सांसदले ‘हिंसा’का रुपमा टिप्पणी गरी असंवैधानिक शब्द प्रयोग गरेको’ भन्दै माओवादीले यसअघिको संसद् बैठक अवरुद्ध गरेको थियो।
माओवादी केन्द्रले संसद् बैठकमा प्रस्तुत भएको ‘
माओवादी हिंसा’ भन्ने शब्द संसद्को रेडर्कबाट नहटाएसम्म बैठक चल्न नदिने बताउँदै आएको छ। आइतबारका लागि निर्धारित बैठक सञ्चालन गर्ने विषयमा सभामुख देवराज घिमिरेले सिंहदरबारमा राष्ट्रिय पार्टीका प्रमुख सचेतकसँग गर्नुभएको छलफल बिना निष्कर्ष टुङ्गिएको थियो। रासस
