नीरा पराजुली
नीरा पराजुली
छोराछोरी जन्माई हुर्काई बराबरी पढायौँ
बिहे गर्ने बेला भयो डोली चढायौँ
छोरी दिँदा पाले पुण्य मारे पाप नभनौँ ।
छोरीहरू पढेलेखे कमजोर नदेखौँ ।
शिक्षा मात्र दिएर हुन्न अब छोरीलाई
पराई घरको व्यवहार पनि बुझौँ बरिलै ।
पराई घरका परिवार श्रीमान् कस्तो छ
नढाँटेर भन छोरी जस्तो जस्तो छ ।
पराई घरका परिवार श्रीमान् पनि खराब
त्यस्तो भए तिम्रो जीवन हुन्छ बर्बाद ।
अत्याचार पीडा सही एकछिन बस्न पर्दैन
तिमी खुसी भए हाम्रो मुटु जल्दैन ।
तिम्रो हाम्रो इज्जत जान्न जन्मघर फर्केर
बस्न हुन्न पराई घरका पीडा सहेर ।
जति हक छ छोराको त्यति हक छ छोरीको
दाजुभाइ दिदी बहिनी बराबरी हो ।
एउटै कोखमा बसेका एउटै थालमा खाएको
बुझ्नु पर्छ सुख छ कि दुःख पाएको ।
भन्न प¥यो बाबाले एउटै घरमा बसौँला
बाँडीचुँडी जस्तो जे छ पेट भरौँला ।
कैलेसम्म दुःख पाउने हो त छोरीहरूले
यस्तै चिठी पठाई दिनोस् बाबा हजुरले ।
