काठमाडौँ, साउन १६ गते । सङ्कटा क्लबले ललित स्मृति एन्फा यु–१८ यूथ फुटबल लिगमा त्रिभुवन आर्मी फुटबल क्लबमाथि जित निकालेको छ । सातदोबाटोस्थित एन्फा मैदानमा बुधबार भएको खेलमा सङ्कटाले आर्मीलाई २–१ गोलले हरायो ।
सङ्कटाको जितमा दिलन लिम्बु र समीन अर्जेलले गोल गर्नुभयो । आर्मीका रोहित श्रेष्ठले सान्त्वना गोल फर्काउनुभयो । जितसँगै ६ खेलबाट ६ नै अङ्क बनाएको सङ्कटा सातौँ स्थानमा छ । समान खेलबाट चार अङ्क बनाएको आर्मी नवौँ स्थानमा छ । लिगमा आर्मीको चौथो हार हो ।
