वर्षाले रुख ढल्दा घरमा क्षति

अविनाश चौधरी
धनगढी, साउन १६ गते । कैलालीको कैलारी गाउँपालिका–७ स्थित छटकपुर वसन्तामा अविरल वर्षाका कारण रुख ढलेर घरमा क्षति भएको छ । सालको रुख ढलेर स्थानीय सन्तराम चौधरीको घरमा पूर्ण रुपमा क्षति भएको हो ।

मङ्गलबार रातीबाट परेको अविरल वर्षाले गर्दा सालको रुख घरमा ढलेको स्थानीय जीया चौधरीले जानकारी दिनुभयो ।

रुख ढल्दा घरमा भएको अन्नपात नोक्सान भए पनि मानवीय क्षति हुनबाट जोगिएको जनाइएको छ । जिल्लाको पूर्वी दक्षिणी क्षेत्रमा बुधबार बिहानबाट ठुलो वर्षा भइरहेको स्थानीयले जानकारी दिएका छन् ।