जानु पाण्डे
कपिलवस्तु, असार १४ गते । कपिलवस्तुको बुद्धभूमि नगरपालिकामा यात्रु बसको ठक्करबाट एक जनाको मृत्यु भएको छ ।
शुक्रबार बिहान वडा नम्बर ९ इमिलियामा पूर्वबाट पश्चिमतर्फ जाँदै गरेको सुदूरपश्चिम प्रदेश ०१–००१–३३५३ नम्बरको बसको ठक्करबाट एक युवकको मृत्यु भएको जिल्ला ट्राफिक प्रहरी कार्यालय कपिलवस्तुले जनाएको छ ।
दुर्घटनामा पाल्पा रामपुर नगरपालिका ५ का रमेश कुमालको मृत्यु भएको हो । उनको उपचारका लागि कपिलवस्तु अस्पताल पुर्याउँदै गर्दा मृत्यु भएको प्रहरीले जनाएको छ ।
