एक सातादेखि बालक बेपत्ता

अमरराज नहर्की

तनहुँ, जेठ ६ गते । तनहुँका एक बालक एक सातादेखि बेपत्ता छन् ।  व्यास नगरपालिका–१२ कमलबारीस्थित सिद्धेश्वरी माध्यमिक विद्यालयमा  कक्षा ६ मा पढ्ने ११ वर्षका युकेश रुचाल सम्पर्कविहीन भएका हुन् ।

 गत आइतबार आफ्नो घर व्यास नगरपालिका–१२ को कर्लुङ रैकरबाट खेल्न जान्छु भनी गएपछि  सम्पर्कमा नआएको परिवारले बताएका छन् ।  एक साता अघि घरबाट खेल्न जान्छु भनी निस्किएका बालक हालसम्म घर नर्फिएपछि  परिवारजन चिन्तामा परेको सिद्धेश्वरी माध्यमिक विद्यालयका सहायक प्रधानाध्यापक प्रतापसिंह अधिकारीले जानकारी दिनुभयो  । घर वरपर, छरछिमेक, आफन्त सबैतिर खोजी गरिएको भए पनि तर भेटाउन नसकिएकोले परिवारजन चिन्तामा परेको अधिकारीले जानकारी दिनुभयो ।  

छोरा घरमा नफर्किएपछि  बालकका बुबा मनबहादुर रुचालले खोजतलासको लागि निवेदन दिनु भएको र हालसम्म फेला पार्न नसिकिएको जिल्ला प्रहरी कार्यालय तनहुँका प्रहरी निरीक्षक मोहनबहादुर खड्काले बताउनुभयो । बालकलाई फेला पार्नेलाई नजिकको प्रहरी वा र ९८१७१२७२५३ मा फोन गरी जानकारी दिन परिवारले आग्रह गरेको छ  ।