नेता कोइराला र थापाविच छलफल

काठमाडौं, वैशाख ३० गते । नेपाली कांग्रेसका नेता डा. शेखर कोइराला र महामन्त्री गगन थापाबिच आज भेट भएको छ । नेता कोइरालाको सचिवालय बिशालनगरमा दुई नेताविच भेट भइ समसामयिक राजनीतिका विषयमा छलफल भएको हो । 

नेता कोइराला र महामन्त्री थापाविचको यो नियमित भेटघाट भएको बताइएको छ । भेटघाटमा कोइराला र थापाबिच राष्ट्रिय राजनीति, संसदमा कांग्रेसले जारी राखेको  अवरोध र पार्टीको आन्तरिक गतिविधिका बारेमा कुराकानी भएको नेता कोइरालाको सचिवालयले जनाएको छ । भेटमा महामन्त्री थापाले हिजो राष्ट्रपति र आज प्रधानमन्त्रीसँग भएको भेटघाटबारे कोइरालालाई जानकारी गराउनुभएको थियो ।