दिवस मनाउन आग्रह

काठमाडौँ, वैशाख १५ गते । सङ्घीय मामिला तथा सामान्य प्रशासन मन्त्रालयले सबै स्थानीय तहलाई वैशाख २० गते राष्ट्रिय सूचना तथा सञ्चार प्रविधि दिवस भव्य रूपमा मनाउन आग्रह गरेको छ । 

सञ्चार तथा सूचना प्रविधि मन्त्रालयको गत चैत ३० गतेको निर्णय अनुसार ७५३ वटै स्थानीय तहलाई सूचना प्रविधि दिवस मनाउन मन्त्रालयले शुक्रबार परिपत्र गरेको हो । स्थानीय तहले सूचना र प्रविधिसँग सम्बन्धित सचेतना र जानकारीमूलक कार्यक्रम गर्न मन्त्रालयले स्थानीय तहलाई गरिएको परिपत्रमा उल्लेख गरिएको छ ।