काठमाडौँ, असोज २४ गते । टेलिभिजन रियालिटी सो ‘महागफाडी’ को फिजिकल अडिसन सम्पन्न भएको छ । सोका निर्देशक नरेशनाथ योगी (किङ योगी) का अनुसार हजारौँ आवेदकबाट डिजिटल अडिसनका लागि छानिएका एक सय प्रतिस्पर्धीको फिजिकल अडिसन गरिएको थियो । जसमध्येबाट टप १८ प्रतिस्पर्धी छानिएका छन् ।
फिजिकल अडिसनबाट टप १८ मा शुभमसिंह भुमियार, अमरेन्द्र यादव, अनिल राई, दिपेश घिमिरे, हरि गजुरेल, हुकुमबाबु वली, कृष्ण भुर्तेल लक्ष्मण, पुजन नेपाल, रेसम सापकोटा, सञ्जीव भट्टराई, सरोज खतिवडा, शोभा लामिछाने, श्रीराम कँडेल, सन्तोष तिवारी, अर्जुन पोखरेल, दिल्लीराज अधिकारी, कर्मा लामा र निरोज त्वायना छानिएका हुन् ।
‘महागफाडी’ को निर्णायक मण्डलमा वरिष्ठ हास्यव्यङ्ग्य कवि शैलेन्द सिम्खडा, रङ्गकर्मी लुनिभा तुलाधर र अभिनेता बुद्धि तामाङ रहनुभएको छ । अभिनेता कामेश्वर चौरसियाले कार्यक्रम सञ्चालन गर्दै हुनुहुन्छ । सोका विजेताले १५ लाख नगद तथा सवारीसाधन, फस्र्ट रनरअपलाई १० लाख नगद र
सवारीसाधन, सेकेन्ड रनरअपलाई पाँच लाख नगद र सवारीसाधन तथा चौथो र पाँचौँ हुनेलाई आकर्षक गिफ्ट ह्याम्पर प्रदान गरिने सोका निर्देशक योगीले बताउनुभयो ।
