काठमाडौं, भदौ २१ गते । बालोन डी’ओर अवार्ड–२०२३ को लागि अन्तिम ३० खेलाडीको सूची सार्वजनिक भएको छ । फ्रान्स फुटबल म्यागाजिनले बुधबार राति सर्वाधिक सात पटकको अवार्ड विजेता अर्जेन्टिनी सुपरस्टार लियोनल मेस्सीसहित ३० जनाको नाम सार्वजनिक गरेको हो ।
यसपटक पाँंच पटक उपाधि विजेता पोर्चुगिज स्टार क्रिस्टियानो रोनाल्डोले भने स्थान बनाउन सक्नुभएन । रोनाल्डो सन् २००३ पछि पहिलो पटक अन्तिम ३० बाहिर रहनुभएको हो । अर्जेन्टिनालाई फिफा विश्वकप उपाधि जिताउनुभएका मेस्सीलाई यसपटक पनि दाबेदार मानिएको छ ।
सूचीमा क्लब फुटबलमा तहल्का मच्चाएका इङ्लिस क्लब म्यानचेस्टर सिटीका मात्र १२ खेलाडी परेका छन् । सूचीमा रहेका खेलाडीहरुमा लियोनल मेस्सीसँगै जुलियन अल्भारेज, निकोलो बरेया, जुड बेलिङहम, करिम बेन्जेमा, यासिन बोनोउ, केभिन डे ब्रुयन, रुबेन डियाज, एन्टोइन ग्रिजम्यान, इल्के गुन्डोगान, जस्को भार्भिढोल, एर्लिङ हालान्ड र ह्यारी केन हुनुहुन्छ ।
यस्तै सूचीमा रान्डल कोलो मुएनी, केभिचा केभारत्खेलिया, रोबर्ट लेवान्डोस्की, एमिलियानो मार्टिनेज, लाउटारो मार्टिनेज, केलियन एमबाप्पे, किम मिन जाए, लुका मोडरिक, जमल मुसिएला, मार्टिन ओडेगार्ड, आन्द्रे ओनाना, भिक्टो ओसिमहेन, रोड्री, बुकायो साका, मोहमेद सलाह, बर्नार्डो सिल्भा र भिनिसियस जुनियर पनि हुनुहुन्छ । अवार्ड कार्यक्रम आगामी अक्टोबर ३० मा हुनेछ । एजेन्सी
-original-thumb.jpg)
