कबिराज घिमिरे
हिले, असार २२ गते । धनकुटाको साँगुरीगढी गाँउपालिकाले यो वर्ष गाँजा सम्भावित क्षेत्रको अध्ययन गर्ने भएको छ । गाउँपालिकाले संघीय सरकारसँगको समन्वयमा गाँजाको सम्भाव्यता अध्ययन गर्ने कार्यक्रम नीति तथा कार्यक्रममै समावेश गरेको छ ।
गाँजाको फूल बिक्री गर्नुभन्दा पनि औषधि, विभिन्न कपडा, झोला, जुत्ता आदि सामग्री निमार्ण गर्नेतर्फ कार्यक्रम केन्द्रित हुने पालिका अध्यक्ष जितेन्द्र रुम्दाली राईले जानकारी दिनुभयो ।
“पालिका क्षेत्रमा धेरै गाँजा हुने सम्भावित स्थान रहेका छन् । ती स्थानको अध्ययन गरेर गाँजाबाट बन्ने विभिन्न परिकार र सामग्री निर्माण गर्नेतर्फ कृषकलाई आकर्षित गर्छौ” , राईले भन्नुभयो ।
केन्द्रीय सरकारले गाँजा सम्भाव्यता अध्यानय गर्ने कार्यक्रम सार्वजानिक गरेपछि साँगुरीगढी गाँउपालिकाले केन्द्रको समन्वयमा काम गर्न लागेको हो ।
योसँगै पालिकाले पर्यटन, कृषि तथा पूर्वाधारलाई आफ्नो नीति तथा कार्यक्रममा जोड दिएको छ ।
