थापाको ‘यो खुसीको पल’मा विजय र सुमी

काठमाडौं, जेठ ७ गते।  गायिका मेलिना राई र गायक प्रताप दासको स्वरमा तयार ‘यो खुसीको पल’ बोलको गीतको भिडियो सार्वजनिक भएको छ। 

गीतकार बुद्धिमान थापाको शब्द सिर्जना रहेको गीतमा दीपक शर्माको सङ्गीत रहेको छ। गीतमा नरेन्द्र वियोगीको एरेन्ज रहेको छ। 

ख्याल ख्यालैमा माया बसेको दृश्यमा मोडलद्वय विजय पुन र मोडल सुमी श्रेष्ठ खुलेको देख्न सकिन्छ। भिडियोमा गीतकार थापा र जमुना मगरको पनि अभिनय रहेको छ। 

भिडियोलाई निर्देशक केशवराज भट्टले कलात्मक शैलीमा तयार पार्नुभएको छ। प्रकाश खड्काको छायाङ्कन तथा बन्दे पाण्डेको सम्पादन गर्नुभएको हो।