काठमाडौं, वैशाख १ गते। पछिल्लो २४ घण्टामा १३६ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार देशभरबाट १४ सय २४ जनाको कोरोना परीक्षण गर्दा १३६ जना कोरोना सङ्क्रमित थपिएका छन्।
संक्रमितमध्ये काठमाडौं उपत्यकामा मात्रै ३२ जना संस्थागत आइसोलेनमा भर्ना भएका छन्। जसमध्ये ११ जना आइसियु र तीन जना भेन्टिलेटरमा उपचाररत रहेका छन्।
नेपालमा संक्रिय संक्रमितको संख्या ४०१ रहेका छन्। मन्त्रालयले सूचना निकाल्दै मास्क नलगाउँदा आफू संक्रमित हुनसक्ने, अरुलाई कोरोना भाइरस सर्ने अन्य सरुवा रोग लाग्न सक्ने जनाएको छ।
मन्त्रालयका अनुसार मास्क नलगाउँदा संक्रमित व्यक्तिले खोक्दा वा हाछ्युँ गर्दा निस्कने, थुक र सिगानका स–साना छिटाका माध्यमबाट संक्रमण सर्नसक्छ।
मास्क नलगाउँदा आफूलाई लक्षण नदेखिए पनि अरुलाई कोरोना भाइरस सर्ने सम्भावना रहिरहने मन्त्रालयले जनाएको छ। मास्क नलगाउँदा कोभिड–१९ बाट मात्र नभई अन्य सरुवा रोग धुँलोधुँवाबाट पनि संक्रमित हुने सम्भावना बढ्छ।
