काठमाडौं, चैत २० गते । भारतको चर्चित गायन रियालिटी सो इण्डियन आइडल–१३ को उपाधि अयोध्याका ऋषि सिंहले जित्नुभएको छ । आइतबार मुम्बईमा भएको फाइनलमा सिंहले इण्डियन आइडल–१३ को उपाधि पाउन सफल हुनुभएको हो ।
कार्यक्रममा हिमेश रेशमिया, विशाल दलानी र नेहा कक्कड निर्णायक थिए । भारतका विभिन्न राज्यबाट कार्यक्रममा सहभागीमध्येबाट ऋषि सिंह, बिदिप्ता चक्रवर्ती, चिराग कोतवाल, सोनाक्षी कार, शिवम सिंह, र देबोस्मिता रोय गरी ६ जना फाइनलमा पुग्नुभएको हो ।
यस्तै, देबोस्मिता रोय र चिराग कोतवाल फस्ट रनरअप हुनुभएको छ । विजेता बनेका ऋषि सिंहले सोनी टिभीबाट २५ लाख रुपियाँको चेक र कार पाउनुभएको छ ।
सन् २०१९ मा पनि ऋषि इण्डियन आइडलको ११ औँ सिजनमा सहभागी भएका थिए, तर चौथो राउण्डपछि बाहिरिएका थिए ।
