काठमाडौं, चैत १३ गते । सुपरस्टार शिव श्रेष्ठले 'शिव दाइ' नामको पोडकास्ट सञ्चालन गर्ने भएका छन् । नेपाली सिनेमा उद्योगमा करिब ४१ वर्ष बिताउनुभएका नायक श्रेष्ठले आफ्नो सिनेमा यात्रामा जोडिएका कलाकार, रङ्गकर्मी तथा अन्य क्षेत्रका व्यक्तिहरूसँग अन्तरङ्ग कुराकानी गर्नेगरी कार्यक्रम सञ्चालनको तयारी गर्नुभएको हो ।
उहाँले आफ्नै नामको च्यालनबाट एक प्रोमो सार्वजनिक गर्दै आफ्नो फिल्मी जीवनका अनकौं भोगाइलाई कार्यक्रममा प्रस्तुत गर्ने बत्ताउनुभएको छ ।
बिजनेस दर्शन मिडिया हाउस प्रालिको सहकार्यमा उहाँले कार्यक्रम सञ्चालन गर्ने तयारी गर्नुभएको हो । नेपाली फिल्ममा अहिले पनि शीर्ष भूमिकामा रहने श्रेष्ठको पछिल्लो समय सार्वजनिक भएको चलचित्र 'प्रेमगीत ३' ले नेपाल र भारतमा लोकप्रियता कमाएको थियो ।
फिल्मी कर्ममा आफ्नो ४१ वर्ष बिताउनुभएका श्रेष्ठले आफ्नो कार्यक्रममार्फत सहकार्यको ४१ वर्ष समावेश गर्ने जानकारी दिनुभयो । उहाँले प्रोमोमा भावुक हुँदै भन्नुभएको छ, आज मैले रोकेर आफूलाई रोक्न सकिन । मलाई बनाउने दर्शक, स्रोतालाई म यस कार्यक्रमबाट सम्झिन सकुं । उहाँले आफ्नो कार्यक्रममार्फत आफैँलाई नजिकबाट चिन्न सक्ने बताउनुभयो ।
उहाँले एक औपचारिक कार्यक्रममार्फत नै कार्यक्रमको औपचारिक घोषणा गर्ने तयारी भएकोसमेत जानकारी दिनुभयो ।
