काठमाडौं, चैत १३ गते । सुपर स्टार क्रिस्टियानो रोनाल्डोले दुई गोल गरेपछि पोर्चुगलले युरोकप छनोट खेलमा लक्जेमवर्गमाथि सानदार जित निकालेको छ । आइतबार राति भएको खेलमा पोर्चुगलले लक्जेमवर्गलाई उसैको मैदानमा ६–० गोलले हरायो ।
पोर्चुगलको फराकिलो जितका रोनाल्डोले दुई तथा जोआओ फेलिक्स, बर्नाडो सिल्भा, ओटाभियो र राफयल लियोले एक एक गोल गर्नुभयो । एकपक्षीय खेलमा पहिलो हाफमा चार गोल गरेको पोर्चुगलले दोस्रो हाफमा दुई गोल थपेको थियो ।
लगातार जितसँगै समूह ‘जे’ मा पोर्चुगलले ६ अङ्क बनाएको छ । पराजित लक्जेमवर्गको एक अङ्क छ । यस्तै समूह ‘सी’ को खेलमा इङ्ल्यान्डले युक्रेनलाई २–० गोलले पराजित गरेको छ ।
इङ्ल्यान्डको जितमा हेरी केन र बुकायो साकाले गोल गर्नुभयो । दोस्रो जितसँगै ६ अङ्क बनाएको इङ्ल्यान्८ समूहको शीर्षस्थानमा छ । पराजित युक्रेन अङ्कविहीन बन्दै चौथो स्थानमा छ । एजेन्सी
