लीलाराज खड्का
बिर्तामोड, फागुन १३ गते । विभागीय टोलीको त्रिभुवन आर्मी क्लब झापामा जारी भद्रपुर झापा गोल्डकपको फाइनलमा प्रवेश गरेको छ । शनिबार भएको पहिलो सेमिफाइनलमा झापाले संकटा क्लबलाई १–० गोलले हरायो ।
झापाको जितमा अतिरिक्त समयमा चेतन केसीले गोल गर्नुभयो । ९० मिनेटको खेल गोलरहित बराबरीमा सकिएपछि झापाले १०१औं मिनेटमा गोल गरेको हो ।
आर्मीले उपाधिका लागि मछिन्द्र क्लब र एपीएफ फुटबल क्लबबीचको विजेतासँग मङ्गलबार खेल्नेछ । आर्मीका सुरज बस्नेत म्यान अफ दि म्याच हुनुभयो । उहाँले २० हजार रुपियाँ पुरस्कार पाउनुभयो ।
गोल्डकपको विजेता टोलीले १३ लाख र उपविजेताले सात लाख रुपियाँ पाउने आयोजक समितिका अध्यक्ष दिपेश ढकालले जानकारी दिनुभयो ।
