सचिन पोख्रेल
बिराटनगर, पुस १२ गते । प्रदेश १ को प्रदेश सभामा नेकपा (माओवादी केन्द्र) को संसदीय दलको नेतामा पाँचथर क्षेत्र नं १ (२) बाट निर्वाचित प्रदेश सभा सदस्य इन्द्रबहादुर आङ्बो सर्वसम्मत चयन हुनुभएको छ । उहाँ प्रदेश सरकारका बर्तमान आर्थिक मामिला तथा योजनामन्त्रीसमेत हुनुहुन्छ ।
माओवादी केन्द्रका ज्येष्ठ प्रदेश सभा सदस्य नारायणबहादुर मगरको अध्यक्षतामा मंगलबार बसेको बैठकले दलको नेतामा आङ्बोलाई चयन गरेको हो ।
बैठकमा माओवादी केन्द्रका सचिव तथा प्रदेश १ इञ्चार्ज राम कार्की, पार्टीका पोलिटब्यूरो सदस्य सावित्रीकुमार काफ्ले, पार्टीका प्रदेश अध्यक्ष हर्कबहादुर नेम्वाङ्लगायतको उपस्थति रहेको थियो ।
प्रदेश सभामा माओवादी केन्द्रको तर्फबाट १३ जना प्रदेश सभा सदस्य रहेका छन् । नवनिर्वाचित दलका नेता आङ्बोले आफ्नो पार्टीले प्रदेशको नेतृत्व गर्ने अवसर प्राप्त भए मुख्यमन्त्री हुने बताउनु भयो ।
-original-thumb.jpg)
