कैलालीमा सुन व्यवसायी विकास सुनारमाथी गोली प्रहार

चाँदनी आचार्य

घोडाघोडी (कैलाली) पुष ३ गते। कैलालीको अत्तरियामा अज्ञात व्यक्तिले चलाएको  गोलीबाट एक जना घाइते भएका छन्।  अत्तरियामा सुन व्यवसाय संचालन गर्ने घोडाघोडी नगरपालिका १ सुखडका  विकाश सुनार घाइते भएको प्रहरीले जनाएको छ। आइतबार साँझ मोटरसाइकलमा यात्रा गरिरहेका सुनारमाथि गोली चलाइएको हो।

जिल्ला प्रहरी कार्यालय कैलालीका प्रवक्ता डिएसपी बेद प्रकाश जोशीले गोदावरी नगरपालिका २ सशस्त्र क्याम्प अगा पूर्वबाट पश्चिमतर्फ आउदै गरेको नम्बर नखुलेको सेतो कलरको अपरिचित मोटरसाइकलमा  आएका  दुई जना व्यक्तिले गोली चलाएको जानकारी दिनुभयो। 

गोली प्रहारबाट पश्चिम बाट पूर्वतर्फ प्रदेश नम्बर ३०२०११ प ७३५० नम्बरको मोटर साइकलमा जाँदै गरेका चालक सुनार माथि गोली प्रहार हुँदा दाहिने हात र ढाडमा चोट लागेका छ।

घाइतेको पदमा अस्पताल अत्तरीयामा सामान्य उपचारपछि थप उपचारका लागि माया मेट्रो अस्पताल धनगढी रिफर गरिएको प्रवक्ता जोशीले जनाउनुभयो। घटनास्थलमा अहिले  प्रहरी उपरिक्षक सोमेन्द्र सिंह राठौरको कमाण्डमा थप अनुसन्धानको लागी टोली  खटाइएको जनाइएको छ।