-win.jpg)
शिवराज ढुंगाना
अछाम, मङ्सिर ८ गते । सुदूरपश्चिम प्रदेश सभाको सदस्यमा अछाम–१ को (क) मा सत्ता गठबन्धनकोतर्फबाट नेपाली कांग्रेसका उम्मेदवार मेघराज खड्का विजयी हुनुभएको छ ।
खड्काले नेकपा (एमाले) का उम्मेदवार देवबहादुर कुँवरलाई पाँच हजार २६० मतान्तरले विजयी हुनुभएको निर्वाचन अधिकृत कार्यालय साँफेबगरले जानकारी दिनुभयो ।
खड्काले १२ हजार ३३७ मत प्राप्त गर्नुभएको भने कुँवरले छ हजार ४९७ मत प्राप्त गर्नुभएको छ । अछाम–१ को (क) प्रदेशमा १९ हजार ३४९ मत खसेको थियो । जस मध्येमा ५१५ मत बदर भएका छन् । उक्त प्रदेशमा चौरपाटी गाउँपालिका र साँफेबगर नगरपालिका पर्दछ ।
२०७४ को सोही प्रदेशसभा सदस्यमा नेकपा (एमाले) का हर्कबहादुर कुँवर (गोविन्द) सँग एक हजार ४१२ मतले पराजित हुनुभएको थियो । कुँवरले १० हजार ७१० मत प्राप्त गर्नुभएको थियो भने खड्काले नौ हजार २९८ मत प्राप्त गरेर पराजित हुनुभएको थियो ।
