राजु लामिछाने
रुकुमपश्चिम, मङसिर ४ गते । प्रतिनिधिसभा सदस्यका उम्मेदवारसमेत रहनुभएका अर्थमन्त्री जनार्दन शर्माले मुसीकोट नगरपालिका ५ सेरीगाउँस्थित यमुनानन्द नमुना माविमा रहेको 'क' मतदान केन्द्रबाट मतदान गर्नुभएको छ । शर्माले मतदान केन्द्रमा पहिलो मत खसाल्नुभएको मतदान अधिकृत जोखबहादुर खड्काले जानकारी दिनुभयो ।
मतदानपछि शर्माले सबैलाई ढुक्क भएर सही तरिकाले मतदान गर्न आह्वान गर्नुभयो । माओवादी केन्द्रका उपमहासचिवसमेत रहनुभएका अर्थमन्त्री शर्मा वाम लोकतान्त्रिक गठबन्धनको तर्फबाट साझा उम्मेदवार हुनुहुन्छ ।
