काठमाडौं, कात्तिक २७ गते । विश्वकप टी-२० क्रिकेट प्रतियोगिताको फाइनलमा इङ्ग्ल्यान्डले टस जितेर फिल्ड रोजेको छ ।
इङ्ग्ल्यान्डले फिल्ड रोजेपछि पाकिस्तानले पहिलो ब्याटिङ सुरु गरेको हो । पाकिस्तान र इङ्ग्ल्यान्ड दुवै दोस्रो पटक विश्वकप उपाधि जित्ने दाउमा छन् ।
इङ्ग्ल्यान्ड र पाकिस्तान ३० वर्षपछि विश्वकपको फाइनलमा भिड्दै छन् । सन् २००९ र सन् २०१० मा भएको विश्वकपको समूह चरणमा इङ्ग्ल्यान्डले पाकिस्तानलाई हराएको थियो ।
इङ्ग्ल्यान्ड र पाकिस्तानबीच अहिलेसम्म २८ टी-२० खेल भएका छन् । जसमध्ये इङ्ग्ल्यान्डले १८ खेल जितेको छ । यसरी हेर्दा पाकिस्तानमाथि इङ्ग्ल्यान्ड भारी भएको देखिन्छ। भारतमाथि १० विकेटको सानदार जित निकाल्दै इङ्ल्यान्ड विश्वकप क्रिकेटको फाइनलमा प्रवेश गरेको हो भने पाकिस्तान सेमिफाइनलमा न्युजिल्यान्डलाई सात विकेटले हराउँदै फाइनलमा पुगेको हो ।
