वसन्त पराजुली
भरतपुर कात्तिक १३ गते । चुनावी सभामा एक्कासि अचेत हुनुभएका नेपाली काँग्रेसका नेता डा. शंशाक कोइराला खतरा मुक्त हुनुहुन्छ ।
पूर्वी नवलपरासी क्षेत्र नम्बर १ का
लोकतान्त्रिक वाम गठबन्धनका उम्मेदवारसमेत रहनुभएका डा. कोइराला आइतबार दिउँसो
अचेत भएपछि उपचारका लागि भरतपुरस्थित पुरानो मेडिकल कलेज ल्याइएको थियो ।
उपचारमा संलग्न पुरानो मेडिकल कलेजका
निर्देशक डा. मनोहर प्रधानले अहिले कोइरालाको स्वास्थ्य अवस्था सुधार उन्मुख रहेको
जनाउनुभयो ।
उहाँँको परीक्षण रिपोर्टहरुमा केही पनि
नकारात्मक नरहेको र अहिले होशमै रहनुभएकाले २४ घण्टाको निगरानी पछि पनि यही अवस्था
रहे अस्पतालले डिस्चार्ज गर्ने प्रधानले बताउनुभयो ।
डां कोइराला नवलपरासीको अमरापुरीमा
आयोजित चुनावी कार्यक्रममा आइतबर दिउँसो अचेत हुनुभएको थियो ।
