सुजल श्रेष्ठ
प्युठान, असोज १८ गते । प्युठानको ददेरीमा बसको ठक्करबाट एक महिलाको मृत्यु भएको छ । सरुमारानी गाउँपालिका २ ददेरीमा अन्दाजी २८ वर्षीया महिलाको बसको ठक्करबाट आज मंगलबार ज्यान गएको जिल्ला प्रहरी कार्यालय प्युठानका प्रहरी निरीक्षक सुशील थापाले बताउनुभयो ।
प्युठानबाट दाङको भालुवाङ जाँदै गरेको लु १ ख ९४७४ नम्बरको बसले ठक्कर दिएको थियो । मृतकको पहिचान नखुलेको प्रहरीले जनाएको छ । आज करिब साढे १२ बजे घटना भएको थियो । शव पोस्टमार्टमका लागि प्युठान अस्पताल बिजुवार लगिएको प्रहरीले जनाएको छ ।
