गोरखापत्र हो यौटा नेपाली इतिहासमा
अखबार भयो जेठो छापामाध्यम लोकमा ।
उन्नाइस सय अन्ठाउन्न वैशाख चौबिस
प्रादुर्भाव भयो राम्रो, गौरवान्वित मानिस ।
राणा प्रधानमन्त्रीमा देवशमशेर उत्तम
जयपृथ्वीबहादुर व्यवस्थापक उत्तम ।
गरे सङ्कल्प भाषाको उत्थान, अखबार यो
साहित्यको भयो वृद्धि, सूचना परिपक्व भो ।
साप्ताहिक थियो पैले, हप्तामा दुईचोटि भो
सोम बुध तथा शुक्र हप्तामा तीनचोटि भो ।।
विकास क्रममा फेरि दैनिक भो प्रकाशन
गर्छ अक्षरको खेती, हेरूँ भन्छ सुशासन ।
नरदेव थिए मुख्य बने प्रथम पण्डित
नक्सालमा भयो जन्म, आजसम्म अखण्डित ।
कवि लेखक जन्मायो, बन्यो सञ्चारको गुरु
देशविदेशका सारा छाप्छ खबर भै गुरु ।
मधुपर्क, युवामञ्च, मुना, मासिक पत्रिका
अनलाइनमा फेरि अङ्ग्रेजीमा छ पत्रिका ।
बहुभाषिक छन्, पृष्ठ चार दर्जन छेउका
राष्ट्रभाषा सबैलाई स्थान दिने छ स्मारिका ।
शताधिक भयो छब्बिस् राष्ट्रको यो छ गौरव
फलोस् फक्रोस् यही पत्र बनोस् यो शान्ति सौरभ ।।
-original-thumb.jpg)
-square-thumb.jpg)
-original-thumb.jpg)
