राजन रावत
हुम्ला, चैत २२ गते । हुम्लाका उच्च हिमाली क्षेत्रमा हिमपात भएको छ। दक्षिणी क्षेत्रमा वर्षा भइरहेको बेला सदरमुकाम सिमकोटभन्दा माथिल्लो क्षेत्रका विभिन्न गाउँमा हिमपात परेको हो।
जिल्लाको चार हजार मिटरभन्दा माथिको उच्च क्षेत्रमा हिमपात भएको नाम्खा गाउँपालिका–६ का वडा अध्यक्ष पाल्जोर तामाङले जानकारी दिनुभयो। सो गाउँपालिकाका अधिकांश उच्च क्षेत्रहरू—न्याल, नारा, लाप्चा, मुचु, चाला, लेक धिंगा—सहित सिमकोट गाउँपालिका क्षेत्रका छोवाखोर, पञ्चमुखी, रलिङ, चुवाखोला, चाङ्ला हिमाल क्षेत्रमा हिमपात परेको उहाँले बताउनुभयो।
हिउँ जमेर जमिनमा आधादेखि एक फिटसम्म बाक्लो तह बनेको छ। हिमपातपछि ती क्षेत्रमा एक्कासी चिसो बढेको छ। तर, किसानहरूका लागि यसले आभासी खुशी पनि ल्याएको छ, किनकि यसले वर्षा र सिँचाइको कमीलाई केही हदसम्म पूर्ति गर्ने विश्वास गरिएको छ।
