बेजिङ, फागुन २५ गते । लेबननमा जारी सङ्घर्षमा हिज्बुल्लाहले पूर्वी लेबननमा हेलिकोप्टरमार्फत प्रवेश गरेको इजरायली सेनासँग लडिरहेको जनाएको छ । यो पछिल्लो इजरायल-हिज्बुल्लाह द्वन्द्वको दोस्रो ठूलो भौतिक मुठभेड हो ।
गत हप्ता इरान समर्थित हिजÞबुल्लाहले इरानी सर्वोच्च नेता आयातोल्लाह अली खामेनीको अमेरिकी-इजरायली हवाई आक्रमणमा हत्याको जवाफ स्वरूप इजरायलमाथि हमला गरेको थियो, जसले लेबननलाई मध्यपूर्व युद्धमा तानेको थियो । इजरायलले सन् २०२४ को स्थायी अवधीपछि पनि हिज्बुल्लाहलाई लक्षित गर्दै लगातार हवाई आक्रमण जारी राखेको छ र सीमा क्षेत्रमा भूतल सैनिक पठाएको छ ।
हिज्बुल्लाहले सिरियाली सीमाबाट करिब १५ इजरायली हेलिकोप्टर प्रवेश गरेको पत्ता लागेको र आफ्ना लडाकूले उनीहरूलाई कारवाही गरेको जनाएको छ । लेबननको राष्ट्रिय समाचार एजेन्सीले नबी शीट गाउँको बाहिरी क्षेत्रमा ती हेलिकोप्टर र सैनिकसँग तीव्र मुठभेड भएको रिपोर्ट गरेको छ । बेका क्षेत्रमा कार्यरत हिज्बुल्लाहका दुई अधिकारीले एक इजरायली हेलिकोप्टर ढलेको जानकारी दिएका छन् ।
बेष्चगत को दक्षिणी उपनगर, जो हिज्बुल्लाहको मुख्य क्षेत्र हो, मा विस्फोट र धुवाँ देखिएको छ । इजरायली सेनाले त्यहाँ हिज्बुल्लाहको पूर्वाधारमाथि आक्रमण गरेको छोटो बयान जारी गरेको छ । साथै, ताइर डेब्बा र ओडाइसेह, ऐटारौन जस्ता सीमागत शहरमा हिज्बुल्लाहले इजरायली सैनिकमाथि तोप आक्रमण गरेको र मुठभेड भएको जनाएको छ ।
लेबननको स्वास्थ्य मन्त्री राकान नासरुद्दिनका अनुसार इजरायली हवाई आक्रमणमा ३९४ जनाको मृत्यु भएको छ, जसमा ८३ बालबालिका र ४२ महिला छन् । इजरायली सेनाले पनि दक्षिणी लेबननमा दुई सैनिकको मृत्यु भएको पुष्टि गरेको छ, जुन मार्च २ देखि सुरु भएको पछिल्लो अभियानमा पहिलो सैनिक क्षति हो । रासस/सिन्ह्वा
