काठमाडौँ, माघ २० गते । बाह्रौँ एसियाली इन्डोर एथलेटिक्स च्याम्पियनसिपमा सहभागी हुन ३ खेलाडीसहित ५ सदस्यीय नेपाली टोली मङ्गलबार चीनको तियाङजेन प्रस्थान गरेको छ ।
फ्रब्रुअरी ६ देखि ८ तारिखसम्म हुने प्रतियोगिताको पुरुष ४ सय र ८ सय मिटर दौडमा सोमबहादुर कुमाल, ६० मिटर दौड र लङजम्पमा सलिन देवान तथा मुकेश पालले १ हजार ५ सय र ३ हजार मिटर दौडमा प्रतिस्पर्धा गर्ने नेपाल एथलेटिक्स संघले जनाएको छ ।
अफिसियलमा एथलेटिक्स संघका उपाध्यक्ष सन्तोषकुमार ढकाल तथा प्रशिक्षकमा एथलेटिक्सकी मुख्य प्रशिक्षक उषाकर्ण चौधरी हुनुहुन्छ । टोलीलाई राष्ट्रिय खेलकुद परिषद्का सदस्य सचिव रामचरित्र मेहताले शुक्रबारै एक कार्यक्रमबीच बिदाइ गर्नुभयो ।
