सन्तोष दहित
दाङ, माघ ६ गते । लुम्बिनी प्रदेश सभाका दुई सांसदले राजीनामा दिनु भएको छ । आगामी फागुन २१ गते हुने प्रतिनिधि सभा सदस्य उम्मेदवारीका लागि नेकपा माओवादीको तर्फबाट दाङको क्षेत्र नं २ को २ बाट निर्वाचित धनबहादुर मास्की र नागरिक उन्मुक्ति पार्टीका (नाउपा)बाट बर्दिया क्षेत्र नं २ को २ बाट निर्वाचित धर्मबहादुर चौधरीले राजीनामा दिनु भएको छ ।
मास्कीलाई नेपाली कम्युनिष्ट पार्टीले दाङ क्षेत्र नं ३ बाट उम्मेदवार बनाउने निर्णय गरेकाले चुनावमा भाग लिन प्रदेशसभा सदस्यबाट राजीनामा दिएको जानकारी दिनु भयो । यस्तै धर्मबहादुर चौधरी बर्दिया २ कोबाट उम्मेदवार बन्नका लागि राजिनामा दिएको बताउनु भयो ।
मास्की र चौधरी लुम्बिनी प्रदेशको पूर्व मन्त्री हुनु हुन्छ । चौधरी कुलमान घिसिङ नेतृत्वको उज्यालो नेपाल पार्टी (उनेपा) को महासचिव समेत नियुक्त हुनु भएको छ ।
-original-thumb.jpg)
