नूक, ग्रीनल्याण्ड, पुस २६ गते । अमेरिकी राष्ट्रपति डोनाल्ड ट्रम्पले खनिज पदार्थको लागि धनी डेनिस स्वायत्त क्षेत्र ग्रीनल्याण्ड कब्जा गर्न बल प्रयोग गर्न सुझाव दिएपछि ग्रीनल्याण्डका राजनीतिक दलले यसको विरोध गरेका छन् ।
ग्रीनल्याण्डमा सक्रिय दलले संयुक्त विज्ञप्ति जारी गर्दै भनेका छन्, “हामी अमेरिकी हुन चाहँदैनौँ ।” अमेरिकी राष्ट्रपति डोनाल्ड ट्रम्पले ग्रीनल्याण्डका सम्बन्धमा वासिङ्टनले रुचाए पनि नरुचाए पनि केही गर्न लागेको दोहोर्याएपछि शुक्रबार राति उक्त वक्तव्य आएको हो । ग्रिनल्याण्डको संसदका पाँच दलका नेताले भने, “हामी अमेरिकी हुन चाहदैनाँैं नत डेनिस नै । हामी ग्रीनल्याण्डवासीका रूपमा पहिचान बनाउन चाहन्छौँ ।”
उनीहरूले भनेका छन्, “ग्रिनल्याण्डको भविष्यबारे ग्रिनल्याण्डवासीले निर्णय गर्नै पर्छ ।” डेनमार्क र अन्य युरोपेली सहयोगी संयुक्त राज्य अमेरिकाको पहिलेदेखि नै सैन्य आधार रहेको ग्रीनल्याण्डलाई आफ्नो नियन्त्रणमा लिने घोषणाले स्तब्ध भएका छन् । अमेरिकी विदेशमन्त्री मार्को रुबिओले ग्रिनल्याण्डका विदेशमन्त्री र डेनमार्कका प्रतिनिधिसँग अर्को साता भेटवार्ता गर्ने कार्यक्रम छ । रासस/एएफपी
-original-thumb.jpg)
