गुणबहादुर रोका
सुलीकोट, मङ्सिर १४ गते । नेकपा एमालेको ११ औँ महाधिबेशनका लागि गोरखाबाट महाधिवेशन प्रतिनिधि नौ जना छनोट भएका छन् । यही मङ्सिर २७ देखि २९ गतेसम्म काठमाडौँमा हुने केन्द्रीय महाधिवेशनका लागि गोरखामा शनिबार भएको मतदानबाट प्रतिनिधि चयन गरिएको हो
आइतबार बिहान ४ बजे निर्वाचन समितिले दिएको जानकारी अनुसार गोरखामा दुई वटा निर्वाचन क्षेत्रमध्ये क्षेत्र नम्बर १ बाट खुला तर्फ बिशाल थापा र मोहन भट्टराई निर्वाचित हुनुभएको छ । गोरखा क्षेत्र नम्बर २ बाट खुला तर्फ बाबुराम थापा र प्रेम गुरुङ निर्वाचित भएका नेकपा एमालेका जिल्ला अध्यक्ष सुरेन्द्र थापाले जानकारी दिनुभयो ।
त्यस्तै महिलातर्फ क्षेत्र नम्बर १ बाट नानी माया थापालाई पछि पार्दै मिना बराम निर्वाचित हुनुभएको छ भने क्षेत्र नम्बर २ बाट गम्भीरा बराकोटीलाई पछि पार्दै शान्ति चापागाई बिजय हुनुभएको छ ।
युबातर्फ क्षेत्र नम्बर १ बाट प्रबिण श्रेष्ठ, सञ्जित श्रेष्ठलाई पछि पार्दै प्रबिण अधिकारी बिजय हुनु भएको छ भने क्षेत्र नम्बर २ बाट प्रकाश न्यौपानेलाई पछि पार्दै सुमन श्रेष्ठ बिजय हुनु भएको निर्वाचन समितिले जनाएको छ ।
त्यस्तै गरी उत्पिडित कल्ष्टरबाट एक जना चाहिनेमा नेकपा एमालेका जिल्ला सचिवकाजीराम रोका र सचिन रोकालाई पछि पार्दै कृष्ण नेपाली बिजय हुनु भएको जिल्ला अध्यक्ष सुरेन्द्र थापाको भनाई छ ।
जिल्लामा प्यानलगत प्रतिस्पर्धा भएता पनि परिणाम भने मिश्रित आएको छ । गोरखाबाट निर्वाचित भएका नौ जना महाधिवेशन प्रतिनिधिले संगठन, नीति तथा नेतृत्वसमबन्धी महत्त्वपूर्ण निर्णयहरुमा भाग लिनेछन् ।
