शंकर केसी
सल्यान, मङ्सिर १३ गते । सल्यानबाट नेपाल कम्युनिस्ट पार्टी (एमाले) को एघारौं राष्ट्रिय महाधिवेशनका लागि सर्वसम्मत रुपमा प्रतिनिधि छनौट भएका छन् । खुल्ला ४ जना, महिला २ जना, युवा १ जना र दलित समुदायतर्फको प्रतिनिधि १ जना गरेर जम्मा ८ जना प्रतिनिधि सर्वसम्मत चयन भएको एमाले सल्यानले जनाएको छ ।
खुलातर्फ भिमबहादुर सेन, ओजबहादुर बुढाथोकी, लालबहादुर रावत र घनश्याम शर्मा (थारमारे) चयन भएको एमाले सल्यानका प्रचार विभाग प्रमुख गणेशमान सिंहले जानकारी दिनुभयो ।
यसैगरी महिलातर्फ पुष्पाकुमारी बुढाथोकी र सनसिल्ला वली (डिसी) तथा युवातर्फ गणेशमान सिंह र दलिततर्फ भिउसेन नेपाली चयन भएको एमाले सल्यानले जनाएको छ ।
