गोरखापत्र समाचारदाता
काठमाडौँ, मङ्सिर १३ गते । नेपालका हलमा कलिउड चलचित्र ‘हर्ष’ र बलिउड चलचित्र ‘तेरे इस्क मे’ प्रदर्शनमा आएका छन् । एकता पौडेल निर्देशित ‘हर्ष’ पारिवारिक कथावस्तुमा आधारित छ ।
खुसीसँग जीवन बाँचिरहेको मुख्य पात्र केशरले अचानक आउने सङ्कटबाट परिवारलाई जोगाउनु पर्छ भन्ने विषय चलचित्रमा उठाइएको छ । चलचित्रमा खगेन्द्र लामिछाने, वर्षा राउत, सन्तोष पन्त,नीर शाहलगायतको प्रमुख अभिनय छ ।
बलिउड चलचित्र ‘तेरे इस्क मेँ’ समेत शुक्रबार नै प्रदर्शन भएको छ । आनन्द एल राय निर्देशित चलचित्रमा धनुष र कीर्ति सेनन शीर्ष भूमिकामा देखिनुभएको छ । एक्सन–रोमान्स जनरामा राखिएको चलचित्रमा शङ्कर र मुक्ति नामक दुई पात्रको प्रेमकथा चित्रण गरिएको छ ।
