गोरखापत्र समाचारदाता
काठमाडौँ, मङ्सिर १३ गते । लिपि तथा इतिहासविद् डा. श्यामसुन्दर राजवंशीको इतिहास र संस्कृतिसम्बन्धी पुस्तक ‘विक्रम संवत्देखि लुम्बिनीसम्म’ लोकार्पण गरिएको छ ।
चिबहाल, ठमेल, गौचरमा इखबरनेट मिडियाको आयोजनामा भएको कार्यक्रममा संस्कृतिशिरोमणि हरिराम जोशी, पुरातत्व विभागकी महानिर्देशक सौभाग्य प्रधानाङ्ग, वरिष्ठ साहित्यकार श्रीओम श्रेष्ठ ‘रोदन’, दिलबहादुर महर्जन र इखबर नेटका प्रधान सम्पादक प्रदीप सापकोटाले संयुक्त रूपमा कृति लोकार्पण गर्नुभएको हो ।
संस्कृतिशिरोमणि जोशीले इतिहास कहिल्यै पनि पूर्ण नहुने र सत्य अन्वेषण कार्यमा डा. राजवंशी सफल भएको बताउनुभयो । परम्परागत तथ्यले थप कुरा बाहिर ल्याएको उहाँको भनाइ थियो । पुरातत्व विभागका महानिर्देशक प्रधानाङ्गले पुस्तक नयाँ नयाँ तथ्यले भरिएको बताउनुभयो ।
नेपाल स्रष्टा समाजका अध्यक्षसमेत रहेका रोदनले इतिहास सधैँ खोजको सवाल रहेको बताउँदै कृति त्यतैतिर उन्मुख भएकाले सबैसामु पु¥याउनुपर्नेमा जोड दिनुभयो । कृतिकार डा. राजवंशीले आफ्नोनिम्ति आजको दिन सुखद भएको बताउँदै पाठकको प्रतिक्रिया चाहेको बताउनुभयो । प्रकाशनगृहका प्रबन्धक वसन्तराम नकर्मीले पनि सो पुस्तकको महत्वबारे चर्चा गर्नुभएको थियो ।
