बिर्तामोड, कार्तिक १६ गते । झापाको बिर्तामोड नगरपालिका ५ मा गएराति कुटपिटबाट एक युवकको ज्यान गएको छ ।
बिर्तामोड नगरपालिका ५ बस्ने ३० वर्षीया जगन राजवंशीको टाउकोमा बाँसले प्रहार गर्दा उहाँको उपचारकाक्रममा मृत्यु भएको इलाका प्रहरी कार्यालय बिर्तामोडले जनाएको छ ।
गएराती बुधबार साँझ साढे ६ बजेको समयमा विवाद भई झगडा हुँदा उहाँलाई वर्ष २६ का हेमकुमार चौधरीले टाउकोमा बाँसले प्रहार गरी गम्भिर घाइते बनाएका थिए ।
घाइतेलाई उपचारका लागि बिएन्डसी अस्पताल बिर्तामोड लगिएकोमा उपचारकै क्रममा मृत्यु भएको थियो । बाँस प्रहार गर्ने चौधरीलाई लुकेको अवस्थामा झापा शिवसताक्षी नगरपालिका-७, ब्याङडाँडाबाट लुकेको अवस्थामा बिहान २ः १५ बजेको समयमा नियन्त्रणमा लिएको छ ।
पक्राउ परेको चौधरीलाई हाल इलाका प्रहरी कार्यालय बिर्तामोडमा राखिएको प्रहरीले जनाएको छ ।
