काठमाडौँ, भदौ १३ गते । चलचित्र ‘महादशा’ निर्माणको घोषणा गरिएको छ । किरण नेपालीको निर्देशनमा बन्न लागेको चलचित्रको एक कार्यक्रमबिच घोषणा गरिएको हो । संस्कार, संस्कृति, अध्यात्मसँगै समाजमा विद्यमान रहस्यमय घटनामा चलचित्रको कथा आधारित रहेको जनाइएको छ ।
लेकाली इन्टरटेनमेन्टले निर्माण गर्न लागेको चलचित्रमा प्रमोद अग्रहरी, प्रेमा लामगाढे र हाकिम गुरुङ मुख्य भूमिकामा रहनुभएको छ । मनिष गौतमले लेख्नुभएको चलचित्रको कार्यकारी निर्माता सुरज आचार्य हुनुहुन्छ । चलचित्रको प्रदर्शन मिति छायाङ्कन सकिएसँगै तोक्ने तयारी गरिएको छ ।
