काठमाडौँ, भदौ १३ गते । गायक रामकृष्ण ढकालले निर्माण गर्न लागेको चलचित्र ‘मालती मङ्गले’ को बिहीबार शुभमुहूर्त गरिएको छ । रानी म्युजिक इन्टरनेसनल प्रालिको ब्यानर र युनी इन्टरटेनमेन्टको सहकार्यमा निर्माण हुने चलचित्रको कोटेश्वर महादेवस्थान मन्दिरमा शुभमुहूर्त गरिएको हो ।
चलचित्र मालती मङ्गलेमा विजय बराल, वर्षा राउत, सुवर्ण थापा, मेक्सम गौडेल, प्रकाश घिमिरे, सरिता गिरी, सुषमा निरौला, सुनील तामाङ, उमेश सुनाम, शकु शाह, सुचित्रा उप्रेती, दिनेशजङ्ग ठकुरी, रिजन परियार, सागर भट्टराईलगायत कलाकार हुनुहुन्छ । पटकथा तथा संवाद लेखन संयोग गुरागाईंको रहेको चलचित्रलाई प्रकु पाण्डेयले निर्देशन गर्नुहुने छ ।
