गोरखापत्र समाचारदाता
काठमाडौँ, भदौ १३ गते । ‘डी एस ए स्टार २०२५ सिजन–१७’ को अन्तिम प्रतिस्पर्धा ‘मिनी डान्सिङ स्टार’ मा म्यारी तामाङ विजेता बन्नुभएको छ । शीतल तामाङ उपविजेता, ग्रेसिका अधिकारी तेस्रो र एमिया अधिकारी चौथो स्थानमा रहनुभयो । ‘जुनियर डान्सिङ स्टार’ तर्फ रित्रिशा लम्गादेले विजेता र अनुराधा कुलुङ उपविजेता बन्नुभयो ।
यसै गरी दिलिसा थापा ‘सेकेन्ड रनरअप’, सनिशा श्रेष्ठ ‘थर्ड रनरअप’ हुनुभयो । ‘प्री–टिन डान्सिङ स्टार’ तर्फ सिवानी गुनी च्याम्पियन बन्नुभयो । सो प्रतिस्पर्धामा गौरव ढकाल ‘फस्ट रनरअप’, आरभी लम्साल ‘सेकेन्ड रनरअप’, आजु कुस्मा ‘थर्ड रनरअप’, रियान श्रेष्ठ हुनुभयो । ‘जुनियर सिङ्गिङ स्टार’ तर्फ क्यारेन गुरुङले उपाधि चुम्नुभयो । आँचल पुन ‘फस्ट रनरअप’, प्रिएन्स केसी ‘सेकेन्ड रनरअप’, सृष्टि क्षेत्री ‘थर्ड रनरअप’ हुनुभयो । ‘प्री–टिन सिङ्गिङ स्टार’ तर्फ सुलभी श्रेष्ठले पहिलो स्थान हासिल गर्नुभयो । संस्कार सापकोटा ‘फस्ट रनरअप’, स्वइच्छा गुरुङ ‘सेकेन्ड रनरअप’ र महिम पाण्डे ‘थर्ड रनरअप’ बन्नुभयो ।
‘एक्टिङ स्टार’ तर्फ अच्युत अधिकारी विजेता बन्नुभयो । अन्वेषा धिताल ‘फस्ट रनरअप’, राडर सिलवाल ‘सेकेन्ड रनरअप’ र आहाना अधिकारी ‘थर्ड रनरअप’ स्थानमा रहनुभयो । प्रतियोगितामा जयन सुब्बा मानन्धरको कोरियोग्राफी रहेको थियो ।
