जनार्जन खत्री
सर्लाही, साउन ३० गते । सर्लाहीको चक्रघट्टा गाउँपालिका–५, पडरियामा बिहीबार राति मोटरसाइकलको ठक्करबाट एक जना पैदलयात्रीको मृत्यु भएको छ ।
दुर्घटनामा अर्का पैदलयात्री र मोटरसाइकल चालक घाइते भएका छन् । बिहीबार राति ८ बजेपछि चक्रघट्टाबाट पडरियातर्फ जाँदै गरेको बीआर ३० एजी ५०३६ नम्बरको मोटरसाइकलले ठक्कर दिँदा पैदलयात्री पडरियाका ६० वर्षीय बरन बैठाको मृत्यु भएको हो ।
मोटरसाइकलको ठक्करबाट अर्का पैदलयात्री सोही ठाउँका २० वर्षीय दीपक मण्डल घाइते हुनुभएको छ । मण्डलको प्रादेशिक अस्पताल मलङ्गवामा उपचार चलिरहेको प्रहरीेल जनाएको छ ।
दुर्घटनामा सामान्य घाइते भएका मोटरसाइकल चक्रघट्टा गाउँपालिका–१, का २० वर्षीय हरेकृष्ण यादवलाई उपचारपछि नियन्त्रणमा लिइएको सर्लाही प्रहरीका सूचना अधिकारी एवम् प्रहरी नायब उपरीक्षक (डिएसपी) सरोज राईले जानकारी दिनुभयो ।
