निराजन परियार
चौमाला (कैलाली), असार २६ गते । कैलालीमा अटाले ठक्कर दिँदा पैदल यात्री एक महिलाको मृत्यु भएको छ । बुधबार साँझ लम्की चुहा नगरपालिका–६ स्याउलेमा पश्चिमबाट पूर्व तर्फ जाँदै गरेको अटोले पैदल यात्री स्थानी ५५ वर्षीया लक्ष्मी ढुङ्गानाको मृत्यु भएको हो ।
म १ ह ८५८ नम्बरको अटोको ठक्करबाट गम्भीर घाइते हुनुभएको लक्ष्मीलाई मेडिकल कलेज कोहलपुर लगिएको थियो । उहाँको उपचारका क्रममा मृत्यु भएको जिल्ला प्रहरी कार्यालय कैलालीले जनाएको छ ।
अटोको ठक्करबाट लक्ष्मीसँगै पैदल यात्रा गरिरहेकी २२ वर्षीय मिना ढुङ्गाना गम्भीर घाइते भएकी छिन । उहाँको मेडिकल कलेज कोहलपुरमा उपचार भइरहेको प्रहरीले जनाएको छ । अटो र अटो चालक सोही ठाउँ बस्ने २३ वर्षीय हेमन्त जोशीलाई प्रहरीले नियन्त्रणमा लिएको छ ।
