राजन रावत
हुम्ला जेठ १८ गते । जिल्लाका उच्च स्थानमा आइतबार हिमपात भएको छ । शनिबार राति वर्षा भएपछि जिल्लाका उच्च स्थानमा हिमपात भएको हो ।
मानसरोवर नमूना माध्यामिक विद्यालयका प्रधानाध्यापक अमरबहादुर शाहीले सिमकोट क्षेत्रकै अग्ला स्थान, मारगोर, रलिङ, पञ्चमुखी, छोवाखोर, बोक्सी हिमाल, रानी सैना क्षेत्रमा हिमपात भएको बताउनुभयो ।
यसैगरी, नाम्खा गाउँपालिका– ६ का जडा अध्यक्ष पाल्जोर तामाङका अनुसार नाम्खा गाउँपालिकाको नारा, न्यालु,, लाप्चा क्षेत्रका उच्च स्थानमा पनि हिमपात भएको छ । हिमपात भएको क्षेत्रमा चार हजार पाँच सयदेखि पाँच हजारको उचाइमा रहेका छन् ।
