कालीगण्डकी नदीमा एक पुरुष मृत फेला

इमान सिं राना
रामपुर (पाल्पा), चैत २२ गते । माछा मार्न भनी हिँडेका एक पुरुष कालीगण्डकी नदीमा मृत अवस्थामा फेला परेको छ । रम्भा गाउँपालिका–१ असेर्दीका ५२ वर्षीय सञ्जय बोटे रम्भा–१, बिसमुरे घाटमा मृत अवस्थामा भेटिएको प्रहरीले जनाएको छ । 

बिहीबार दिउँसो घरबाट माछा मार्न कालीगण्डकी नदी तर्फ जानु भएका उहाँ साँझ अबेरसम्म घर नफर्किएपछि आफन्त, छिमेकी र प्रहरीले खोजतलास सुरु गरेका थिए ।

खोजतलासको क्रममा शुक्रबार दिउँसो १ बजे नदीमा उहाँको शव फेला परेको इलाका प्रहरी कार्यालय रामपुरका प्रहरी निरीक्षक रामबहादुर नेपालीले जानकारी दिनुभयो ।

प्रारम्भिक अनुसन्धान कार्य पश्चात शव पोस्टमार्टमका लागि रामपुर अस्पताल पठाइएको र थप अनुसन्धान भइरहेको प्रहरीले जनाएको छ ।