.jpg)
काठमाडौँ, माघ ९ गते । चलचित्र ‘एक्लो’ को पोस्टर सार्वजनिक गरिएको छ । साइन्स फिक्सनमा आधारित रहेर निर्माण भइरहेको चलचित्रका मुख्य पात्र विजय लामाको क्यारेक्टर पोस्टर सार्वजनिक गरिएको हो । सार्वजनिक पोस्टरमा विजय लामालाई वृद्ध भूमिकामा प्रस्तुत गरिएको छ । उहाँको चरित्रको नाम भीष्म रहेको छ । उहाँको छेउमा ‘इन्टरड्युसिङ मुटु’ लेखिएको छ ।
चलचित्रमा प्रदीप खड्का, विजय लामा, सुनील थापा, दिया पुन, बेनिसा हमाल, दिनेश डिसी, कविता नेपाली, सुरजसिंह ठकुरी, त्रिचु राईलगायतको अभिनय रहेको छ । प्रदीप शाहीको निर्देशन रहेको चलचित्रको निर्मातामा राजुकुमार गुरुङ, हरि श्रेष्ठ, विष्णु तामाङ, उत्सव विष्ट, भाइराजा थापा, नवीन सिवा, बागवीर पुन हुनुहुन्छ । बाबु श्रेष्ठको छायाङ्कन रहेको चलचित्रमा राजु तामाङको द्वन्द्व निर्देशन, सेट डिजाइनरमा राजु पेन्टर, कला निर्देशनमा सन्तोष लामा तथा प्रोडक्सन डिजाइनरमा शुभराज कार्की र द्रोणप्रसाद पौडेल रहनुभएको छ ।
