काठमाडौँ, माघ ३ गते । नेपाल कबड्डी लिग (एनकेएल) शुक्रबारबाट काठमाडौँमा सुरु हुँदैछ । लिगको सम्पूर्ण तयारी पूरा भएको आयोजक एस्ट्रोनिक्स म्यानेजमेन्टले जनाएको छ । फ्रेन्चाइज लिगको रुपमा सञ्चालन हुन लागेको प्रतियोगितामा ६ टिमको सहभागिता रहनेछ ।
राउन्ड रोविन लिग र नकआउट चरण गरी माघ १८ गतेसम्म चल्ने लिगमा विराटनगर ब्यान्डिट्स, जनकपुर नाइट्स, काठमाडौँ माभरिक्स, पोखरा लेकर्स, हिमालयन रेइडर्स (बुटवल) र धनगढी वाइल्डक्याट्सबिच प्रतिस्पर्धा हुनेछ ।
प्रतियोगितामा उत्कृष्ट प्रदर्शन गर्ने खेलअघि बिहीबार आयोजित पत्रकार सम्मेलनमा सहभागी टिमका कप्तान र प्रशिक्षकले दाबी गरेका छन् । प्रतियोगिताको सबै खेल दशरथ रङ्गशालास्थित कभर्डहलमा हुनेछ ।
