कोकिला भण्डारी
धनकुटा, पुस २६ गते । पाख्रीबास नगरपालिका –३ स्थित जौटारमा पिकअप गाडी दुर्घटना हुँदा दुई जनाको मृत्यु भएको छ ।सुंगुर बोकेर हिलेतर्फ आउदै गरेको पिकअप गाडी दुर्घट्ना हुदा पिकअप चालक पाख्रीबास नगरपालिका –९ उत्तरपानीका ३९ वर्षीय शुक्रबहादुर तामाङ र सह–चालक लहान नगरपालिका –५ सिरहाका २४ वर्षीय प्रमोद मल्लिकको मृत्यु भएको हो ।
मल्लिकको घटनास्थलमै मृत्यु भएको थियो भने तामाङलाई जिल्ला अस्पताल धनकुटा लग्नासाथ चिकित्सकले मृत घोषणा गरेको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिनुभयो ।
उहाँका अनुसार बिहीबार राति करिब सवा ९ बजे पाख्रीबास आउँदै गरेको को १ ज २६३९ नम्बरको पिकअप गाडी सडकबाट लगभग १५० मिटर तल खसेर दुर्घटना भएको थियो । शव पोष्टमार्टमका लागि जिल्ला अस्पताल धनकुटामा राखिएको जिल्ला प्रहरी कार्यालय धनकुटाले जनाएको छ ।
