ताप्लेजुङ, पुस २० गते । ताप्लेजुङस्थित शेर्पा सञ्चार समूह नेपालको अध्यक्षमा तेन्जिङ शेर्पा चयन हुनु भएको छ । शुक्रवार सम्पन्न समूहको दोस्रो जिल्ला अधिवेशनले शेर्पा अध्यक्ष रहेको नौ सदस्यीय कार्यसमिति सर्वसम्मत चयन गरेको हो ।
कार्यसमिति उपाध्यक्षमा पासाङ ल्हामु शेर्पा, सचिव तेन्जिङ शेर्पा पाङ्कर्मा र कोषाध्यक्षमा दा खाङ्डु शेर्पा चयन हुनुभएको छ । सदस्यहरूमा दावा नावा शेर्पा, पासाङ लन्डुप शेर्पा, पेम्बा शेर्पा, मिङ्मा लाकी शेर्पा र ल्हाजुङ्मा शेर्पा चयन हुनुभएको छ ।
सञ्चार समूहको जिल्ला अधिवेशन नेपाल शेर्पा संघ, कोशी प्रदेश कार्यसमिति सदस्य मिङ्मा खाङ्डु शेर्पाको प्रमुख आतिथ्यतामा सम्पन्न भएको हो । यस्तै अधिवेशनमा नेपाल शेर्पा संघ जिल्ला कार्यसमिति अध्यक्ष पासाङरिता शेर्पा लगायतको उपस्थिति रहेको थियो ।
