गोरखापत्र समाचारदाता
काठमाडौँ, पुस २० गते । शास्त्रीय नृत्याङ्गना सीता सुवेदी तथा गायक प्रताप दासको ‘सत्य राम राम’ गीत सार्वजनिक गरिएको छ । मानकाजी शाक्यको शब्दरचना भएको गीतमा लय भने सीताकै छ । मायाप्रेममा मिठो मेलसहितको यस लोकभाकामा सार्वजनिक भएको गीतको सङ्गीत संयोजन पवन रानाभाटले गर्नुभएको हो । नीलकण्ठ सुवेदीको छायाङ्कन रहेको भिडियोको निर्देशन करन साउदले गर्नुभएको छ । यसै गरी पोस्टप्रोडक्सन ‘ए’ ‘के’ नेपालबाट गरिएको छ भने गीत सीताको आफ्नै युट्युब च्यानलबाट सार्वजनिक गरिएको छ । भिडियोमा रविना थापा, प्रकाश दुरा, अशोक पङ्गेनीसहित सीताको अभिनय रहेको छ ।
